Kondisyonal na Rehistrasyon ng Botante (Conditional Voter Registration (CVR))

Ang mga karapat-dapat na residente ng County ng San Diego na lumampas sa huling araw ng rehistrasyon ng botante ay may pagkakataong bumoto. Sa ilalim ng Batas sa Eleksyon ng California, pinapayagan ng Kondisyonal na Rehistrasyon ng Botante (Conditional Voter Registration (CVR)) ang isang prospektibong botante na magparehistro nang kondisyonal at maghulog ng isang balota.

Paano ito gumagana:

  • Kung nalampasan ninyo ang huling araw ng rehistrasyon para sa paparating na eleksyon, maaari pa rin kayong bumoto sa pamamagitan ng pagbisita sa:
  • Kapag nandoon na kayo sa Tagapagrehistro ng mga Botante o Vote Center, kukumpletuhin ninyo ang aplikasyong ng CVR.
  • Kayo ay iisyuhan ng balota kung saan maaari ninyong markahan ang inyong mga pagpipilian.
  • Ilagay ninyo ang inyong minarkahang balota sa loob ng probisyonal na sobre ng CVR at i-seal ito.
  • Kapag na-verify na ang inyong porma ng kondisyonal na rehistrasyon ng botante, at nakumpirma na hindi kayo bumoto sa iba pang lugar sa estado para sa kasalukuyang eleksyon, magiging aktibo ang inyong rehistrasyon, at mabibilang ang inyong balota.
  • Ngayon ay rehistrado na kayo para sa mga eleksyon sa hinaharap kung karapat-dapat kayong lumahok.

Malayuang Kondisyonal na Rehistrasyon ng Botante (Remote Conditional Voter Registration (CVR))

Ang malayuang kondisyonal na rehistrasyon ng botante ay nagpapahintulot sa ilang mga botante na nalampasan ang deadline ng rehistrasyon ng botante para sa paparating na eleksyon na kumpletuhin ang isang rehistrasyon at probisyonal na balota nang malayuan simula 14 na araw bago ang eleksyon.

Paano ko malalaman kung kwalipikado akong gumamit ng malayuang kondisyonal na rehistrasyon ng botante?

Ang mga botante ng militar at ibang bansa at mga botante na may mga kapansanan ay maaaring kumpletuhin ang isang kondisyonal na rehistrasyon ng botante nang malayuan at pagkatapos ay bobotohan ang kanilang balota nang malayuan. Ang serbisyong ito ay inilaan para sa mga botante na hindi nakarehistro at hindi makakapasok sa isang Vote Center sa panahon ng personal na pagboto. Kung kayo ay kasalukuyang rehistradong botante, hindi ninyo kailangang magparehistro bilang isang kondisyonal na botante. Para sa inyong mga pagpipilian sa pagboto, mag-click dito.

Mga hakbang upang makumpleto ang isang malayuang kondisyonal na rehistrasyon ng botante:

  • Ika-1 Hakbang: I-verify ang inyong rehistrasyon
    • Upang i-verify ang inyong rehistrasyon, mag-click dito.
    • Kung kayo ay isang rehistradong botante, hindi na kailangang gamitin ang serbisyong ito. Para sa inyong mga opsyon sa pagboto, mag-click dito at laktawan ang natitirang mga hakbang sa ibaba.
  • Ika-2 Hakbang: Magparehistro online
    • Upang magparehistro online, mag-click dito. Mangyaring tandaan ang numero ng inyong rehistrasyon na ibinigay sa inyo, na makakatulong sa amin na mapabilis ang pagproseso ng inyong rehistrasyon.
    • Kung wala kayong Lisensya sa Pagmamaneho ng California o ID kakailanganin ninyong i-print, pirmahan at ipadala ang porma ng rehistrasyon.
    • Dapat ninyong isama ang inyong email sa porma ng rehistrasyon.
    • Kung hindi ninyo ibibigay ang kinakailangang identipikasyon sa oras na kayo ay nagparehistro, kayo ay maaaring isang unang-beses na botante at kinakailangang magbigay ng pruweba ng tirahan.
  • Ika-3 Hakbang: Ipaalam sa aming opisina na gusto ninyong magparehistro nang kondisyonal para makaboto at bumoto nang probisyonal gamit ang Remote Accessible Vote By Mail (RAVBM)
  • Ika-4 na Hakbang: Bumoto ng balota nang malayuan
    • mag-e-email sa inyo ang aming opisina upang ibigay ang inyong opisyal na Access Code ng balota, mga instruksyon tungkol sa kung paano i-access ang inyong remote accessible vote-by-mail ballot, at kung paano ibalik ang inyong balota.