Paano Humiling ng Pamalit na Balota
DEADLINE: Huling araw para humiling ng pamalit na balota ng
pagboto-sa-pamamagitan-ng-koreo para sa Ika-5 ng Nobyembre, 2024, ang
Presidensyal na Pangkalahatang Eleksyon ay Ika-29 ng Oktubre, 2024,
bago ang ika-5 ng hapon.
Kung hindi mo pa natatanggap ang inyong balota ng
pagboto-sa-pamamagitan-ng-koreo o nawala o nasira ang inyong orihinal,
mangyaring makahingi ng pamalit na balota gamit ang alinman sa
sumusunod na paraan:
- Kumpletuhin ang Online na Aplikasyon para sa Pamalit na Balota. Hindi kailangan ng printer.
- I-print, kumpletuhin, at
ibalik ang inyong Napi-print na Porma ng Aplikasyon para sa Pamalit
na Balota kasama ang pirma ng botante sa Tagapagrehistro ng
mga Botante sa pamamagitan ng:
- I-email: vbmreplacement@sdcounty.ca.gov
- I-fax : (858) 505-7294
- Sa Personal: Bisitahin ang Tagapagrehistro ng mga Botante mula Lunes hanggang Biyernes, ika-8 ng umaga hanggang ika-5 ng hapon.
- Ipakoreo: Registrar of Voters, P.O. Box 85520, San Diego, CA 92186-5520
- Tumawag sa Tagapagrehistro ng mga Botante sa (858) 565-5800 o toll-free sa (800) 696-0136
Kung gusto ninyong bumoto nang personal, maaari kayong bumisita sa alinmang vote center sa buong County:
- Magbubukas ang mga piling vote center at opisina ng Tagapagrehistro sa Sabado, Ika- 26 ng Oktubre hanggang sa Lunes, Ika-4 ng Nobyembre , mula ika-8 ng umaga hanggang ika-5 ng hapon.
- Ang lahat ng mga 200+ na vote center ay magbubukas sa Sabado, Ika-2 ng Nobyembre hanggang sa Lunes, Ika-4 ng Nobyembre, mula ika-8 ng umaga hanggang ika-5 hapon.
- Ang lahat ng mga vote center ay magbubukas sa huling araw ng pagboto sa Martes, Ika-5 ng Nobyembre, mula ika-7 ng umaga hanggang ika-8 ng gabi.
Aplikasyon upang Magbigay ng Balotang Pagboto-sa-pamamagitan-ng-Koreo sa Representante
Kung hindi ninyo makuha ang pamalit na balota ng pagboto-sa-pamamagitan-ng-koreo sa inyong sarili, maaari kayong magtalaga ng isang representante upang makuha ang balotang iyon.
I-print at kumpletuhin ang Aplikasyon Para Sa Pagbigay ng Pamalit na Balota sa Representante.
Ang aplikasyong ito ay dapat pirmahan ng botante at personal na isumite sa Opisina ng Tagapagrehistro ng mga Botante ng inyong representante. (EC 3014(b)).